शिंगोली आश्रम शाळेत संत तुकडोजी महाराज व महात्मा बसवेश्वर जयंती उत्साहात साजरी

उस्मानाबाद जिल्ह्यात जुगार विरोधी छापे टाकत पोलीसांची कारवाई

Osmanabad news :- 

जुगार विरोधी कारवाई दरम्यान उस्मानाबाद पोलीसांनी दि. 16.05.2022 रोजी जिल्हाभरात छापे टाकून महाराष्ट्र जुगार प्रतिबंधक कायद्यांतर्गत संबंधीत पोलीस ठाण्यात पुढील प्रमाणे गुन्हे नोंदवले आहेत.

1) उपविभागीय पोलीस अधिकारी कार्यालय, कळंब यांनी ढोकी येथे दोन ठिकाणी छापे टाकले. यावेळी दत्तनगर ढोकी येथील सिध्दार्थ शिंदे यांच्या दुकानाजवळ सिध्दार्थ यांसह तीन पुरुष हे कल्याण मटका जुगार चालवण्याच्या साहित्यासह 10,310 ₹ रक्कम तर खयुम सय्यद यांच्या ढोकी येथील दुकानाजवळ खयुम यांसह पाच पुरुष हे ऑनलाईन फन टारगेट जुगार साहित्यासह 1,06,110 ₹ रक्कम बाळगलेले असताना आढळले.

2) स्था.गु.शा. च्या पथकास बलभीम विरुदे हे लोहारा पंचायतसमिती समोरील टपरीत मुंबई मिलन मटका जुगार साहित्यासह 12,390 ₹ रक्कम तर लक्ष्मण जाविर यांसह तीन पुरुष हे उमरगा बस स्थानकाजवळील एका गल्लीत कल्याण मटका जुगार चालवण्याच्या साहित्यासह 13,000 ₹ रक्कम बाळगलेले असताना आढळले.

3) उमरगा पोलीस ठाण्याच्या पथकास संतोष काळे व गोविंदराव बिराजदार हे दोघे उमरगा येथील प्रभात हॉटेलजवळील कॉलनीत कल्याण मटका जुगार साहित्यासह 2,040 ₹ रक्कम तर भिमाशंकर कवठे हे उमरगा येथे एका हॉटेलसमोर कल्याण मटका जुगार साहित्यासह 1,560 ₹ रक्कम बाळगलेले असताना आढळले.

4) अंबी पोलीस ठाण्याच्या पथकास सुनिल शेरे हे उंडेगाव बस थांबाजवळ कल्याण मटका जुगार साहित्यासह 2,020 ₹ रक्कम बाळगलेले असताना आढळले.