कळंबच्या रजिस्टर आँफिसमधील लिपिकाला चारशे रुपयाची लाच घेताना रंगेहात पकडले !
उस्मानाबाद / प्रतिनीधी
दूय्यम निबंधक कार्यालय,कळंब येथील कनिष्ठ लिपिक यांना ४००/ - रुपयांची (चारशे रुपये ) लाच स्विकारताना लाचलुचपत प्रतिबंधक पथकाने ताब्यात घेऊन कळंब पोलीस ठाण्यात गुन्ह्याची नोंद करण्याची प्रक्रीया रात्री उशीरा पर्यत सुरु होती.
याबाबत सविस्तर माहिती अशी की आज दिनांक .८/६/२०२१ रोजी तक्रारदार हे आईच्या नावाने असलेल्या प्लॉटचे खरेदी खताची नक्कल आणि सूची क्र. 2 ची नक्कल घेण्यासाठी दुय्यम निबंधक कार्यालय,कळंब येथे गेले असता तेथील कनिष्ठ लिपिक सुधाकर मारुती तेलंग , वय 50 वर्ष यांनी तक्रारदाराकडे सदर कामासाठी ४००/- रुपये लाचेची मागणी करून ४००/- रुपये लाच रक्कम दुय्यम निबंधक कार्यालय,कळंब येथे पंच साक्षिदारा समक्ष स्वीकारली.
आरोपीस ताब्यात घेण्यात आले असून पोलीस ठाणे कळंब येथे गुन्हा नोंद करण्याची प्रक्रिया सुरू आहे.
सदरची कार्यवाही मा. डॉ. राहुल खाडे, पोलीस अधीक्षक, ला.प्र.वि.औरंगाबाद
मा.मारुती पंडित,अपर पोलीस अधीक्षक,ला.प्र.वि.औरंगाबाद व प्रशांत संपते, पोलीस उप अधीक्षक ला.प्र.वि. उस्मानाबाद यांच्या मार्गदर्शनाखाली पो.नि.अशोक हुलगे, पोलीस अमलदार इफ्तेकार शेख, विष्णू बेळे, सिद्धेश्वर तावसकर, अविनाश आचार्य व चालक करडे यांनी केली.
तसेच कोणताही शासकीय अधिकारी/कर्मचारी, महाराष्ट्र शासनाचे मानधन, अनुदान घेणारी व्यक्ती, खाजगी व्यक्ती शासकीय कामासाठी अथवा शासकीय काम करून दिल्याबद्दल लाचेची मागणी करत असेल तर लाचलुचपत प्रतिबंvधक विभाग, उस्मानाबाद येथे सम्पर्क करण्याबाबतचे आवाहन प्रशांत संपते, पो.उप अधीक्षक, ला.प्र.वि. उस्मानाबाद ( मो.नं.९५२७९४३१००) गौरीशंकर पाबळे, पोलीस निरीक्षक, ला. प्रा. वी. उस्मानाबाद ( मो. क्र. 8888813720) अशोक हुलगे, पोलीस निरीक्षक, ला. प्रा. वी. उस्मानाबाद (मो. क्र.8652433397) यांनी केले आहे.
