शिंगोली आश्रम शाळेत संत तुकडोजी महाराज व महात्मा बसवेश्वर जयंती उत्साहात साजरी

आंदोलनाच्या इशार्‍यानंतर बंद केलेले कळंब-लातूर रस्त्याचे सुरु : 
दुधगावकरांसह शिष्टमंडळाच्या दिला होता आंदोलनाचा इशारा

उस्मानाबाद : कळंब-लातूर रस्त्याचे काम हायब्रीड अन्युटी योजनेअंतर्गत चालू काम बंद करण्यात आले होते. त्यामुळे या मार्गावर वाहतूकीस मोठी अडचण निर्माण होत होती. त्यासाठी हे काम तात्काळ चालू करण्यात यावे, अन्यथा राष्ट्रवादीच्या वतीने लोकशाही मार्गाने आंदोलन करण्यात येईल, असा इशारा राष्ट्रवादीचे जिल्हा कार्याध्यक्ष संजय पाटील दुधगावकर यांच्यासह शिष्टमंडळाने मंगळवारी (दि.14) जिल्हाधिकारी यांना दिलेल्या निवेदनात दिला आहे. याची संबंधिताकडून दखल घेत हे काम सुरु केले आहे. त्यामुळे दुधगावकर यांच्या मागणीला यश आल्याने परिसरातील नागरिकातून समाधान व्यक्त करण्यात येत आहे.
सन 2019-20 मध्ये कळंब-लातूर रस्त्याचे काम हायब्रीड अन्युटी योजनेअंतर्गत चालू झाले होते. परंतू गेल्या अनेक दिवसापासून या रस्त्याचे काम थांबले होते. काही ठिकाणी एका बाजुने काम पुर्ण झाले व दुसर्‍या बाजूने खडी अंतरुन रस्ता खोदून ठेवला होता. तर काही भागात रस्ता केवळ उकरुन ठेवला होता. या सर्व प्रकारामुळे डिकसळ ते रांजणी या साखर कारखाना या परिसरात अनेक अपघातही झाले होते. त्यामुळे या रस्त्याचे बंद झालेले काम त्वरीत सुरु करण्यात यावे, अन्यथा लोकशाही मार्गाने तीव्र आंदोलन करण्यात येईल, असा इशारा जिल्हाकिधारी यांना दिलेल्या निवेदनात दिला आहे. या निवेदनावर राष्ट्रवादीचे जिल्हा कार्याध्यक्ष संजय पाटील दुधगावकर, राष्ट्रवादीचे कळंब तालुकाध्यक्ष श्रीधर भवर, उपसभापती गुणवंत पवार, संतोष पवार, शाहुराज खोसे, सुरेश टेकाळे, पद्माकर पाटील, सुरेश पाटील, विनायक कवडे, भारत शिंदे, विश्वनाथ धुमाळ, भाऊसाहेब पाटील, अरुण पवार, किरण खोसे, संग्राम खोसे, राजकुमार कवडे, प्रविण शिंदे, सागर चिंचकर, राहुल माळकर, तुषार वाघमारे, नवनाथ मोरे, अच्युत शिंदे, अजित शिंदे, दिनकर शिंदे, सुग्रिव जाधवर, जगदिशचंद्र जोशी, शशिकांत लोमटे आदींच्या स्वाक्षर्‍या होत्या. सदरील मागणीची दखल घेवून या रस्त्याचे काम सुरु करण्यात आले आहे. त्यामुळे परिसरातील नागरिकातून संजय पाटील दुधगावकर व त्यांच्या शिष्टमंडळाचे आभार मानले जात आहेत.