तुळजापूर :- 5 ऑक्टोबर 2021 रोजी पंतप्रधान नरेंद्रजी मोदी यांच्या शुभहस्ते केदारनाथ येथे जवळपास रुपये 200 कोटींच्या विकास कामांचे लोकार्पण तसेच रुपये 200 कोटींहुन अधिकच्या विकास कामांचे भूमिपूजन व कोनशिला अनावरण सोहळा संपन्न झाला, त्यानंतर आद्यगुरु शंकराचार्य यांनी देशभरातील ज्या तिर्थक्षेत्रांना पदस्पर्श केला, मठांची स्थापना केली. तसेच १२ ज्योर्तीलिंग अशा देशभरातील एकुण ८२ तिर्थक्षेत्री हा कार्यक्रम मोठया प्रमाणात साजरा झाला. या सर्वच ठिकाणी या कार्यक्रमाचे थेट प्रक्षेपण करण्यात आले. त्या अनुषंगाने महाराष्ट्रातील ९ ठिकाणी मोठया स्तरावर कार्यक्रम करण्यात आले. तुळजापुर येथे श्री तुळजाभवानी देवीच्या महाद्वारा समोर मोठ्या स्क्रीनवर या कार्यक्रमाचे थेट प्रक्षेपण झाले असून यावेळी विविध मठांचे महंत शिवाचार्य, साधु संत, प्रतिष्ठित उपस्थित होते.
तुळजापुर विधानसभा आमदार राणाजगजितसिंह पाटील यांच्या पुढाकाराने महाराष्ट्राची कुलस्वामीनी आई तुळजाभवानीच्या वास्तव्याने पावन तिर्थक्षेत्र देखील याच धर्तीवर केंद्र शासनाच्या प्रशाद योजने अंतर्गत विकसीत करण्याचा संकल्प करण्यात आला आहे. तुळजापुर तिर्थक्षेत्र एक वैश्वीक दर्जाचे पर्यटन केंद्र म्हणुन विकसीत करण्यात येणार आहे. उस्मानाबाद जिल्ह्याला लाभलेल्या ऐतिहासिक, धार्मिक व सांस्कृतिक वारसा यामुळे जिल्ह्यातील तीर्थक्षेत्रांचा व पर्यटन स्थळांचा विकास करून येथील अर्थकारणाला मोठी चालना मिळू शकते. ही बाब लक्षात घेऊन गृहमंत्री अमित शहा यांनी तुळजापुर तिर्थक्षेत्र वैश्वीक पर्यटन क्षेत्र म्हणुन विकसीत करण्याचा मानस व्यक्त केला होता. केंद्र सरकारचे यासाठी सर्वतोपरी सहकार्य असून स्वदेश दर्शन व प्रशाद योजनेच्या माध्यमातून पर्यटन क्षेत्रात मोठया प्रमाणात गुंतवणुक वाढवुन या भागाचा विकास करण्याचा संकल्प आ. पाटील यांनी सांगितले.
याप्रसंगी जिल्ह्यातील ह.ब.प,प्रकाश महाराज बोधले, ह.ब.प एकनाथ महाराज लोमटे यांच्यासह अनेक मठाचे मठाधिपती साधू-संत, औसा मतदार संघाचे आमदार अभिमन्यू पवार, भाजपा जिल्हाध्यक्ष नितीन काळे, जिल्हा समन्वयक नेताजी पाटील,तुळजापूर चे नगराध्यक्ष सचिन रोचकरी,विक्रम देशमुख,राजाभाऊ पाटील, अजित पिंगळे, भाजयुमो जिल्हाध्यक्ष राजसिंह राजेनिंबाळकर, न. प. उपाध्यक्ष अभय इंगळे, शहराध्यक्ष राहुल काकडे, गुलचंद व्यवहारे, सुहास साळुंके, आनंद कंदले,शिवाजी बोधले, नारायण नंनवरे, तसेच जिल्ह्यातील भाजपाचे असंख्य पदाधिकारी, लोकप्रतिनिधी व कार्यकर्ते यांनी तुळजाभवानी मंदिरासमोरील प्रक्षेपण कार्यक्रमास उपस्थिती दर्शविली.
