दगाबाज सरकारला दगाबाजीनेच मारायला पाहिजे - शिवसेना पक्षप्रमुख उद्धव ठाकरे कडाडले

माध्यमिक शालांत प्रमाणपत्र (इयत्ता१० वी) परीक्षेची आवेदनपत्रे ऑनलाईन पध्दतीने सादर करावयाच्या तारखा जाहीर

 Osmanabad news : 

उस्मानाबाद,दि.18(जिमाका):- महाराष्ट्र राज्य माध्यमिक व उच्च माध्यमिक शिक्षण मंडळामार्फत मार्च 2023 मध्ये घेण्यात येणाऱ्या माध्यमिक शालांत प्रमाणपत्र (इयत्ता 10 वी) परीक्षेस नियमित, पुनर्परीक्षार्थी, नाव नोंदणी प्रमाणपत्र (Enrollment Certificate) प्राप्त झालेले खाजगी विद्यार्थी (Private Candidate) तसेच श्रेणीसुधार योजनेअंतर्गत आणि तुरळक विषय घेऊन, आय.टी.आय. (औद्योगिक प्रशिक्षण संस्थेद्वारे Transfer Of Credit घेणारे विद्यार्थी) आवेदनपत्रे प्रचलित पध्दतीप्रमाणे ऑनलाईन पध्दतीने घेण्यात येणार आहेत. या परीक्षेस प्रविष्ठ होऊ इच्छिणऱ्या विद्यार्थ्यांची परीक्षेची आवेदनपत्रे  ऑनलाईन पध्दतीने www.mahahsscboard.in या संकेतस्थळावर आवेदनपत्रे भरण्याची कार्यवाही सुरु आहे.

माध्यमिक शाळांनी नियमित विद्यार्थ्यांची आवेदनपत्रे SARAL Database वरुन ऑनलाईन पध्दतीने नियमित शुल्कासह भरण्यासाठी बुधवार, दि.19 ऑक्टोबर ते गुरुवार दि.10 नोव्हेंबर 2022 पर्यंत करावेत. माध्यमिक शाळांनी पुनर्परीक्षार्थी, नाव नोंदणी प्रमाणपत्र (Enrollment certificate) प्राप्त झालेली खाजगी विद्यार्थी (Private Candidate), श्रेणीसुधार आणि तुरळक विषय घेऊन परीक्षेस प्रविष्ठ होणाऱ्या विद्यार्थ्यांची, आयटीआय (औद्योगिक प्रशिक्षण संस्थेद्वारे Transfer Of Credit घेणारे विद्यार्थी) आवेदनपत्रे प्रचलित पध्दतीप्रमाणे ऑनलाईन पध्दतीने शुक्रवार,दि.11 ते 25 नोव्हेंबर 2022 पर्यंत  सादर करावेत. माध्यमिक  शाळांनी चलन डाऊनलोड करुन चलनाद्वारे बँकेत शुल्क गुरुवार, दि.20 ऑक्टोबर ते मंगळवार, दि.29 नोव्हेंबर 2022 पर्यंत सादर करावेत.

आवेदनपत्रे भरावयाच्या कालावधीमध्ये माध्यमिक शाळांनी सर्व विद्यार्थ्यांची आवेदनपत्रे भरुन सबमीट केल्यानंतर त्यांना शाळा लॉगीन मधून प्रिलिस्ट उपलब्ध करुन दिलेली असेल शाळांनी त्याची प्रिंट काढून विद्यार्थ्यांमार्फत आवेदनपत्रातील नमूद केलेली माहिती जनरल रजिस्टरनुसार पडताळणी करुन अचूक असल्याची खात्री करावी आणि त्याबाबत प्रिलिस्ट वर विद्यार्थ्यांची स्वाक्षरी घ्यावी त्यानंतर सदर प्रिलिस्ट चलनासोबत विभागीय मंडळात जमा करावी.

माध्यमिक शाळांनी विभागीय मंडळाकडे शुल्क भरल्याच्या चलनासह विद्यार्थ्यांच्या याद्या आणि प्रिलिस्ट जमा करावयाची तारीख गुरुवार दि.01 डिसेंबर 2022 अशी राहील.

इयत्ता दहावी परीक्षेची आवेदनपत्रे ही ऑनलाईन पध्दतीने स्विकारण्यात येणार असल्याने विद्यार्थ्यांनी आवेदनपत्रे त्यांच्या माध्यमिक शाळांमार्फत भरावी. सर्व माध्यमिक शाळांतील मुख्याध्यापक यांनी ऑनलाईन आवेदनपत्रे भरण्यासाठी शासन निर्णयानुसार माध्यमिक शाळांनी नियमित विद्यार्थ्यांची ऑनलाईन आवेदनपत्रे स्विकारण्यासाठी SARAL Database मध्ये विद्यार्थ्यांची अद्ययावत नोंद असणे आवश्यक आहे आणि या सरल डाटा वरुनच नियमित विद्यार्थ्यांची आवेदनपत्रे भरावयाची आहेत.

पुनर्परीक्षार्थी, नाव नोंदणी प्रमाणपत्र (Enrollment Certificate) प्राप्त झालेले खाजगी विद्यार्थी (Private Candidate), श्रेणीसुधार आणि तुरळक विषय घेऊन, आयटीआय (औद्योगिक प्रशिक्षण संस्थेद्वारे Transfer Of credit घेणारे विद्यार्थी) परीक्षेस प्रविष्ठ होणाऱ्या विद्यार्थ्यांची माहिती सरल डाटा मध्ये नसल्याने सदर विद्यार्थ्यांची आवेदनपत्रे प्रचलित पध्दतीने ऑनलाईनच भरावयाची आहेत.

कौशल्य सेतु अभियानाचे Transfer Of credit मागणाऱ्या विद्यार्थ्यांनी देखील Online पध्दतीने आवेदनपत्र भरुन विषयासमोर Transfer Of credit ची नोंद करावी. याशिवाय संबंधित विद्यार्थ्यांची प्रचलित पध्दतीने आवेदनपत्र आणि आवश्यक कागदपत्रे यांची हार्डकॉपी (Hard Copy) विभागीय मंडळात जमा करावी.

विभागीय मंडळातील  माध्यमिक  शाळांनी परीक्षा शुल्क पुणे, औरंगाबाद आणि कोल्हापूर (Bank Of India Virtual Account), मुंबई, नागपूर आणि लातूर (HDFC Bank Virtual Account) आणि अमरावती, नाशिक व कोकण (AXIS Bank Virtual Account) या नमूद केलेल्या बँकेमध्ये आर.टी.जी.एस. द्वारे भरणा करुन चलनाची प्रत तसेच विद्यार्थ्यांच्या याद्या आणि प्रिलिस्ट दिलेल्या मुदतीतच विभागीय मंडळाकडे सादर कराव्यात.

नियमित शुल्कासह तसेच विलंब शुल्कासह आवेदनपत्रे सादर केलेल्या विद्यार्थ्यांचे शुल्क दोन स्वतंत्र चलनाद्वारे भरण्यात यावेत.

सर्व माध्यमिक शाळांनी गतवर्षीप्रमाणेच  परीक्षा शुल्क संगणकीय चलन डाऊनलोड करुन चलनावरील  नमूद प्रमाणेच Virtual Account मध्ये एन.ई.एफ.टी./आर.टी.जी.एस. द्वारे भरावयाचे आहे. माध्यमिक  शाळांनी  एन.ई.एफ.टी./आर.टी.जी.एस.द्वारे वर्ग केलेली रक्कम त्यांच्या बँक खात्यातून प्रत्यक्ष वजा झाली आहे किंवा नाही तसेच अकाऊंट नंबर आणि आय.एफ.सी.कोड (IFSC Code) चुकीचा नमूद केला गेल्यास सदरची रक्कम परत त्यांच्या खात्यात जमा झाली नसल्याची खातरजमा करण्याची जबाबदारी संबंधित मुख्याध्यापक यांची राहील.

मार्च 2023 मधील परीक्षेसाठी मार्च 2022 अथवा जुलै-ऑगस्ट 2022 मधील परीक्षेमध्ये एकाच वेळी सर्व विषय घेवून उत्तीर्ण झालेल्या विद्यार्थ्यांनाच श्रेणीसुधार योजनेअंतर्गत आवेदनपत्र भरुन परीक्षेस प्रविष्ठ होता येणार आहे. त्यामुळे त्यापूर्वीचे असे उत्तीर्ण विद्यार्थी अथवा कोणत्याही पुनर्परीक्षार्थी विद्यार्थ्यांना श्रेणीसुधार योजनेअंतर्गत परीक्षेस प्रविष्ठ होता येणार नाही,असे पुणे राज्य मंडळाच्या सचिव अनुराधा ओक यांनी कळविले आहे.

*****