प्रभाग क्रमांक १५ मधील भुयारी गटारीच्या रस्त्याचे काम तात्काळ मुरूम टाकून रस्ता मजबुतीकरण करावे अन्यथा शिवसेना ठाकरे गट तीव्र आंदोलन करणार
Osmanabadnews : आज शिवसेना ठाकरे गटाच्या वतीने नगरपालिका मुख्याधिकारी यांना प्रभाग क्रमांक १५ मधील जुन्नी गल्ली, देवकते गल्ली,कुंभार गल्ली अश्या अनेक ठिकाणी भुयारी गटारीचे काम झाले असून या प्रभागातील रस्त्याची दुरवस्था झाली असून यामुळे प्रभागातील नागरिकांना नाहक त्रास सहन करावा लागत आहे.
रस्त्यावर बऱ्याच ठिकाणी मोठमोठी खड्डे पडले असून सध्या पाऊस चालू असून यामुळे रस्त्यावरील खड्ड्यात पाणी साचून खड्डे ओळखू येत नाही यामुळे अपघाताचे प्रमाण वाढले आहे. यामुळे सदर रस्त्यावर रविदारी शाळकरी मुले, नागरीक, वयोवृद्ध नागरिक यांचे हाल होत आहेत तरी सदरील रस्त्याचे तात्काळ मुरूम टाकून रस्त्याचे मजबुतीकरण करण्यात यावे अन्यथा शिवसेना ठाकरे गटाच्या वतीने तीव्र आंदोलन करण्यात येईल.
असा इशारा नगरपालिका मुख्याधिकारी यांना निवेदनाद्वारे देण्यात आला आहे यावेळी सह्याद्री राजे निंबाळकर, नरसिंग मेटकरी, आनंद मोरे, विनोद गिद्दे, हनुमंत शिंदे, हर्षद ठवरे आदीं उपस्थित होते
