शिंगोली आश्रम शाळेत संत तुकडोजी महाराज व महात्मा बसवेश्वर जयंती उत्साहात साजरी

तेरखेडा येथे अवैध गुटखा विक्री करणाऱ्यावर गुन्हा दाखल , उस्मानाबाद शहरात कारवाई कधी?

उस्मानाबाद : दि.25.08.2023 रोजी गुप्त बातमीदारांकडून मिळालेल्या माहितीच्या आधारे पोलीस ठाणे येरमाळा, जि. उस्मानाबादच्या पथकाने महाराष्ट्र राज्यात प्रतिबंधित केलेला गुटखा असा एकुण 2,58,000 ₹ किंमतीचा मुद्देमाल जप्त केला आहे. 

तेरखेडा प्रमाणे उस्मानाबाद शहरात मोठ्या प्रमाणात गुटखा विक्री होत आहे. उस्मानाबाद शहरात अनेक वेळा गुटखा विक्रेत्यांवर कारवाई होते मात्र होलसेल गुटखा विक्री करणारे पोलिसांच्या हातातून निसटून जातात. पोलिसांची धाड पडणार असल्याची माहिती होलसेल गुटखा विक्रेत्यांना अगोदरच मिळते का ? गुटखा विक्रेत्यांवर कारवाई पोलीस करताना आढळून येतात. हे अन्न औषध प्रशासनाचे काम असुन याचा भार पोलिसांवर पडत आहे. अगोदरच पोलीस खात्यात कामाचा अधिक ताण आहे. अन्न व औषध प्रशासनाकडून तक्रार आल्यानंतरच कारवाई केली जाते अशी चर्चा नागरिकांतून होत आहे. अन्न व औषध प्रशासनाचे गुटखा होलसेल विक्रेत्याबरोबर संगम मताने शहरात गुटखा विक्री तर होत नाही ना असा देखील प्रश्न नागरिकांतून उपस्थित होत आहे. 

 पोलीस ठाणे येरमाळा हद्दीत गुटखा विक्रेत्यांवर कारवाई करण्यात आली सदर प्रकरणी सविस्तर माहिती अशी की, दिनांक 25.08.2023 रोजी 14.25 वा. सु. येरमाळा पोलीस ठाण्याचे प्रभारी अधिकारी श्री. अतुल पाटील यांना तेरखेडा येथील पठाणगल्ली मध्ये एक इसम महाराष्ट्र शासन प्रतिबंधीत अन्न पदार्थ गोवा गुटख्याच्या पुड्या अवैध्य विक्री करत आहे, अशी गोपनिय बातमी मिळाली त्या आधारे येरमाळा पोलीसांच्या पथकाने लागलीच सदर ठिकाणी जाउन छापा कारवाई केली असता त्यांना तृया ठिकाणी एक इसम अवैध गुटखा विक्री करताना आढळून आला. त्यास ताब्यात घेवून विचारपूस केली असता त्यांने त्याचे नाव- अख्तर अब्दुल पठाण, वय 26 वर्षे, रा. पाठाण गल्ली तेरखेडा, ता. वाशी जि. उस्मानाबाद असे सांगून त्याच्या कडे अधीक चौकशी केली असता त्यांने उडवा उडवीची उत्‌तर दिल्याने पथकाने सदर घराची पाहणी केली. त्यामध्ये एकुण 22 पोते प्रत्येक पोत्यात गोल्ड 9000 या कंपनीचे गुटख्याचे 50 पुडे अंदाजे 2,20,000 ₹, पांढरे रंगाचे 3 पोते ज्यात 190 गुटख्‌याचे पुडे असा एकुण 2,58,000 किंमतीचा गुटखा साठवण करुन सदरचा गुटखा विक्री करण्यासाठी घरा मध्ये ठेवलेला मिळून आला. त्याचा सविस्तर पंचनामा करुन माल जप्त करुन ताब्यात घेउन गुटखा विक्री करणारा इसम नामे अख्तर अब्दुल पठाण, रा. पठाणगल्ली तेरखेडा ता. वाशी याचेविरुध्द दि.25.08.2023 रोजी येरमाळा पो.ठा. येथे गुरंन 255/2023, भा.दं.वि. सं. कलम- 328, 272, 273, अन्वये गुन्हा नोंदवला आहे.

सदरची कामगीरी ही मा. पोलीस अधीक्षक श्री. अतुल कुलकर्णी, अप्पर पोलीस अधीक्षक  श्री. नवनित कॉवत यांच्या मार्गदर्शनाखाली येरमाळा पोलीस ठाण्याचे प्रभारी- श्री.अतुल पाटील, पोउपनि श्री. बोजगुडे, पोलीस हावलदार/1235 कपील बोरकर, पोलीस नाईक 1555 गायकवाड, महिला पोलीस नाईक 1548 मुळे, पोलीस अंमलदार 881 जाधव यांच्या पथकाने केली.