अण्णाभाऊ साठे शिष्यवृत्तीसाठी अर्ज करण्याचे आवाहन
उस्मानाबाद, दि.30 (जिमाका):- साहित्यरत्न लोकशाहीर अण्णाभाऊ साठे विकास महामंडळामार्फत 2020-21 या शैक्षणिक वर्षात दहावी, बारावी, पदवी, पदव्युत्तर, वैद्यकीय आणि अभियांत्रिकी अभ्यासक्रमामध्ये मातंग समाज आणि तत्सम बारा पोट जातीतील विद्यार्थी, विद्यार्थींनी यांना 60 टक्के किंवा त्यापेक्षा जास्त टक्केवारीने गुण प्राप्त झाले असतील अशांना महामंडळाकडून ज्येष्ठता आणि गुणक्रमांकानुसार उपलब्ध निधीच्या अधिन राहून अण्णाभाऊ साठे शिष्यवृत्ती मंजूर करण्यात येते.
तसेच स्वहस्ताक्षरातील अर्जा सोबत शाळा सोडल्याचा दाखला, गुणपत्रक, पुढील वर्गात प्रवेश घेतल्याबाबतचा पुरावा पावती, आधार कार्ड, जातीचा दाखला आदी कागदपत्रासह डॉ. बाबासाहेब आंबेडकर सामाजिक न्याय भवन मधील साहित्यरत्न लोकशाहीर अण्णाभाऊ साठे विकास महामंडळ (मर्या.) या कार्यालयात दि. 12 ऑगस्ट 2021 पर्यंत कार्यालयीन वेळेत आणून द्यावेत. उशिरा आलेल्या अर्जाचा विचार केला जाणार नाही. तरी उस्मानाबाद जिल्ह्यातील मांग मातंग समाजातील आणि तत्सम बारा पोट जातीतील युवा, युवतींनी या सुवर्ण संधीचा लाभ घ्यावा, असे आवाहन जिल्हा व्यवस्थापक टि.आर. शिंदे यांनी केले आहे.
*****
