येडशीत तेरणा ट्रस्टच्या आरोग्य शिबीरात 760 पेक्षा जास्त रुग्णांची तपासणी व उपचार
उस्मानाबाद :- डॉ.पदमसिंहजी पाटील व आमदार राणाजगजितसिंह पाटील यांच्या मार्गदर्शनाखाली तेरणा पब्लिक चॅरिटेबल ट्रस्ट संचलित तेरणा जनसेवा केंद्र, तेरणा सुपर स्पेशालिटी हॉस्पीटल, नेरुळ नवी मुंबई व जिल्हा परिषद आरोग्य विभाग यांच्या संयुक्त विद्यमाने आरोग्य तपासणी व उपचार शिबाराचे आयोजन सोमवार दि.११ ऑक्टोबर २०२१ रोजी, मौजे येडशी ता.उस्मानाबाद येथे सकाळी १०:०० ते ५:०० या वेळेत करण्यात आले होते. या आरोग्य शिबीराचा नांदुरी व परिसरातील सर्व वयोगटातील ७६० महिला, पुरुष तसेच बालकांनी लाभ घेतला. यात प्रामुख्याने ह्रदयरोग, स्त्रीरोग, कान-नाक घसा, नेत्ररोग, बालरोग, अस्थिरोग या सह विविध आजारांवर मुंबई येथील तज्ञ डॉक्टरांनी तपासणी व उपचार केले व मोफत औषधाचा पुरवठा करण्यात आला.
या शिबीराचे उद्दघाटन जि.प.अध्यक्ष सौ.अस्मिता कांबळे यांच्या हसते झाले. यावेळी पं.स.सदस्य लोखंडे काका, सरपंच गोपाळ नागटिळक, उपसरपंच राहुल पताळे, मा.उपसरपंच सुधीर सस्ते, डॉ.हाशांत पवार, उल्हास केकाळ, भिमराव शिंदे, बालाजी देशमुख, अमोल वाघमारे, सुरेश चव्हाण, किरण नकाते, शरद गव्हार, काका देशमुख सर्व ग्रा.प.कर्मचारी ग्रामस्थ उपस्थीत होते. यावेळी मुंबईचे डॉ.अजित निळे, डॉ.परवीन सय्यद, डॉ.ऋषिकेश जाधव, डॉ.प्रणित गणविर, डॉ.जय गोयल, डॉ.आयुष गुप्ता, डॉ.आदित्य बोरकर, डॉ.योगेश मोरे, यांनी रुग्णांची तपासणी करुन औषधोपचार केले. तसेच तेरणा जनसेवा केंद्राचे सुजीत पाटील, विनोद ओहळ, रवी शिंदे, पवन वाघमारे, संदीप चव्हाण, शोभा मगर, आशा कार्यकर्त्या ईत्यादींनी परीश्रम घेतले.
