📅 दि. ३ जून २०२५ | 🏢 मंत्रालय, मुंबई
महाराष्ट्र शासनाने एस.टी. कर्मचाऱ्यांच्या विविध मागण्यांवर सकारात्मक निर्णय घेतले आहेत. उपमुख्यमंत्री एकनाथ शिंदे यांच्या अध्यक्षतेखाली मंत्रालयात झालेल्या बैठकीत हे निर्णय जाहीर करण्यात आले. परिवहन मंत्री प्रताप सरनाईक यांनी याबाबत माहिती दिली.
🟡 महत्त्वाचे निर्णय पुढीलप्रमाणे:
🔹 महागाई भत्ता वाढ – एस.टी. कर्मचाऱ्यांना आता ५३% महागाई भत्ता दिला जाणार.
🔹 नवीन वैद्यकीय योजना – ‘धर्मवीर आनंद दिघे वैद्यकीय प्रतिपूर्ती योजना’ अंतर्गत वैद्यकीय तपासणी, समुपदेशन व कॅशलेस उपचार मिळणार.
🔹 ५ लाखांपर्यंत कॅशलेस आरोग्य सुविधा – एस.टी. कर्मचाऱ्यांना व त्यांच्या कुटुंबीयांना लाभ.
🔹 १ कोटी रुपयांचा अपघात विमा कवच – स्टेट बँकेच्या माध्यमातून अपघात झाल्यास निधन अथवा पूर्ण अपंगत्व आल्यास लाभ.
🔹 मोफत एस.टी. पास – निवृत्त कर्मचाऱ्यांना आणि त्यांच्या पत्नीला वर्षभर मोफत प्रवास पास देण्यात येणार.
परिवहन मंत्री प्रताप सरनाईक यांनी स्पष्ट केले की, "एस.टी. कर्मचाऱ्यांचे जीवन सुसह्य करण्यासाठी हे पावले उचलली जात आहेत."
