“घरफोडीच्या गुन्ह्यातील पाहिजे आरोपी अटकेत.”
स्थानिक गुन्हे शाखा: वाशी पो.ठा. गु.र.क्र. 30 /2019 या रात्रीच्या घरफोडीच्या गुन्ह्यातील आरोपी- सुभाष शिवा शिंदे, रा. पारधी पिढी, इंदीरानगर, पारा, ता. वाशी हा पोलीसांना तपासकामी हवा होता. गोपनीय स्था.गु.शा. च्या सपोनि- श्री. आशिष खांडेकर, सपोफौ- मधुकर घायाळ, पोहेकॉ- तानाजी माळी, भागवत झोंबाडे, धनंजय कवडे, पोना- समाधान वाघमारे यांच्या पथकाने खबरेच्या आधारे त्यास दि. 27.08.2020 रोजी इंदीरानगर परिसरातून ताब्यात घेउन वाशी पो.ठा. यांच्या ताब्यात दिले आहे.
“नाकाबंदी दरम्यान 215 कारवाया- 45,500 ₹ ‘तडजोड शुल्क प्राप्त.”
उस्मानाबाद जिल्हा: कोविड- 19 च्या प्रसारास प्रतिबंध व्हावा या उद्देशाने विविध मनाई आदेश लागू आहेत. त्या अनुषंगाने जिल्ह्यातील 18 पोलीस ठाण्यांच्या हद्दीतील महत्वाच्या रस्त्यांवर वाहतुक शाखेच्या सहकार्याने दि. 27.08.2020 रोजी नाकाबंदी दरम्यान मोटार वाहन कायदा अंतर्गत 215 कारवाया करण्यात आल्या असुन त्यातून 45,500 ₹ ‘तडजोड शुल्क’ प्राप्त झाले आहे.
“जुगार विरोधी कारवाया.”
पोलीस ठाणे, ढोकी: दशरथ राजेंद्र पवार व हिराजी विठ्ठल उमासे, दोघे रा. तेर, ता. उस्मानाबाद हे दि.27.08.2020 रोजी मौजे तेर येथे एका टपरीच्या बाजूस कल्याण मटका जुगार चालवण्याच्या साहित्य व रोख रक्कम 2,040/-रु. बाळगले असतांना स्था.गु.शा. यांच्या पथकास आढळले. यावरुन नमूद दोन व्यक्तींविरुध्द म.जु.का. अंतर्गत गुन्हा नोंदवला आहे.
पोलीस ठाणे, उस्मानाबाद (श.): जुगार चालू असल्याच्या गोपनीय खबरेवरुन उस्मानाबाद (श.) पो.ठा. च्या पोलीसांनी दि. 27.08.2020 रोजी 18.45 वा. शहरातील एलआयसी कार्यालयाच्या पाठीमागे छापा मारला. यावेळी 1)जमीर तांबोळी 2)राजु मुददे 3)जावेद सौदागर 4)शाकेर तांबोळी 5)अंकुश मुददे 6)लहु मुददे 7)मैनोद्दीन शेख, सर्व रा. आगडगल्ली, उस्मानाबाद असे 7 व्यक्ती कल्याण मटका जुगार खेळत असतांना आढळले. पोलीसांनी कल्याण मटका जुगार साहित्यासह खेळातील 16,510/-रु. रोख रक्कम व दोन मोबाईल फोन जप्त करुन नमूद व्यक्तींविरुध्द म.जु.का. अंतर्गत गुन्हा नोंदवला आहे.
“चोरी.”
पोलीस ठाणे, उमरगा: विजयाबाई दत्तात्रय माने, रा. प्रगतीनगर, उमरगा यांच्या राहत्या घराचा कडी- कोयंडा अज्ञात चोरट्याने दि. 25.08.2020 ते 27.08.2020 या कालावधीत तोडून घरातील सोने- चांदीचे दागिने किं.अं. 38,250/-रु. चे व रोख रक्कम 4,000/-रु. चोरुन नेले आहेत. अशा मजकुराच्या विजयाबाई माने यांनी दि. 27.08.2020 रोजी दिलेल्या प्रथम खबरेवरुन भा.दं.सं. कलम- 454, 457, 380 अन्वये गुन्हा नोंदवला आहे.
पोलीस ठाणे, आनंदनगर: भैरवनाथ संभाजी काळे, रा. कोर्ट कॉलनी, सांजा रोड, उस्मानाबाद यांच्या राहत्या घराचा कडी- कोयंडा अज्ञात चोरट्याने दि. 26.08.2020 रोजी मध्यरात्री तोडून घरातील कॅनॉन कंपनीचा कॅमेरा, सॅमसंग जे-7 मोबाईल फोन, चांदीचे दागिने व रोख रक्कम 6,000/-रु. चा माल चोरुन नेला. अशा मजकुराच्या भैरवनाथ काळे यांनी दि. 28.08.2020 रोजी दिलेल्या प्रथम खबरेवरुन भा.दं.सं. कलम- 457, 380 अन्वये गुन्हा नोंदवला आहे.
पोलीस ठाणे, कळंब: मकरध्वज बालाजी सुर्यवंशी, रा. ढोकी नाका, कळंब यांनी दि. 26.08.2020 रोजी ढोकी नाका डिकसळ येथे लावलेली टिव्हीएस ॲपाचे मो.सा. क्र. एम.एच. 25 सी 4499 ही मध्यरात्री अज्ञात चोरट्याने चोरुन नेली. अशा मजकुराच्या मकरध्वज सुर्यवंशी यांनी दि. 28.08.2020 रोजी दिलेल्या प्रथम खबरेवरुन भा.दं.सं. कलम- 379 अन्वये गुन्हा नोंदवला आहे.
“अपघात.”
पोलीस ठाणे, वाशी: तुकाराम नागनाथ धोत्रे, रा. सावरगाव, ता. तुळजापूर हे पत्नी- सावित्रा धोत्रे यांसह मो.सा. क्र. एम.एच. 13 डीबी 8722 ने दि. 31.07.2020 रोजी 03.30 वा. सु. पाथरी- सोलापुर असा प्रवास करत होते. दरम्यान वाशी तालुक्यातील इंदापूर फाटा येथे तुकाराम धोत्रे यांनी मोटारसायक निष्काळजीपणे चालवून ती अनियंत्रीत झाल्याने घसरली. या अपघातात तुकाराम धोत्रे हे मयत झाले तर सावित्रा धात्रे या गंभीर जखमी झाल्या. अशा मजकुराच्या गणेश तुकाराम धोत्रे (मयताचा मुलगा) यांनी दि. 28.08.2020 रोजी दिलेल्या प्रथम खबरेवरुन भा.दं.सं. कलम- 279, 338, 304 (अ) अन्वये गुन्हा नोंदवला आहे.
“म्हशीचा मृत्यु, संशयीतावर गुन्हा दाखल.”
पोलीस ठाणे, उमरगा: संदेश मारेकर, रा. माडज, ता. उमरगा यांची म्हैस दि. 22.08.2020 रोजी माडज येथील शेतात मेली. संदेश मारेकर यांचा गावातीलच- वामन, बाबु, रोहित या गायकवाड कुटूंबीयांशी जुना वाद आहे. त्या वादातून नमूद तीघांनी त्या म्हशीस विषप्रयोगाने ठार मारले असण्याचा संशय आहे. अशा मजकुराच्या संदेश मारेकर यांनी दि. 27.08.2020 रोजी दिलेल्या प्रथम खबरेवरुन भा.दं.सं. कलम- 429, 34 अन्वये गुन्हा नोंदवला आहे.
“मारहाण.”
पोलीस ठाणे, उस्मानाबाद (श.): सुसेन गोरे, रा. बार्शी नाका, उस्मानाबाद यांचे शहरातील काळा मारुती परिसरात फुले विक्रीचे दुकान आहे. “हा व्यवसाय सुरळीत चालू ठेवायचा असेल तर मला 2,000/-रु. हप्ता द्यावा लागेल.” अशी खंडणीची धमकी बबन काकडे, रा. उस्मानाबाद हा त्यांना देत असे. त्याच्या या धमकीस सुसेन गोरे कधीही बळी पडले नाही. सुसेन गोरे हे दि. 27.08.2020 रोजी दुकानातून घरी जात असतांना गाडगेबाबा चौकात बबन काकडे याने त्यांना अडवून खंडणी देत नसल्याच्या कारणावरुन मारहाण केली. अशा मजकुराच्या सुसेन गोरे यांनी दि. 27.08.2020 रोजी दिलेल्या प्रथम खबरेवरुन भा.दं.सं. कलम- 384, 324, 341, 504, 506 अन्वये गुन्हा नोंदवला आहे.
