उस्मानाबाद,दि.05(जिमाका):- आत्मनिर्भर भारत पॅकेज अंतर्गत प्रधानमंत्री सूक्ष्म अन्नप्रक्रिया उद्योग योजना (PMFME)”राज्यात २०२०-२१ पासून राबविण्यात येत आहे. ही योजना “एक जिल्हा एकउत्पादन” (ODOP) या आधारावर राबविली जात आहे. जिल्हयाकरिता “एक जिल्हा एक उत्पादन” (ODOP) करिता कडधान्य पिकं (हरभरा,मुग,तूर,उडीद इ.) निवड केलेली आहे. या योजने अंतर्गत वैयक्तिक लाभार्थ्यांना भांडवली गुंतवणुकीकरिता पात्र प्रकल्प खर्चाच्या 35 टक्के कमाल 10 लाख रुपयांपर्यंत अनुदान देय आहे.
तसेच गट लाभार्थी जसे स्वयं-सहाय्यता गट,शेतकरी उत्पादक संस्था आणि उत्पादक सहकारी संस्था यांना सामाईक पायाभूत सुविधांसाठी भांडवली गुंतवणूक याकरिता पात्र प्रकल्पखर्चाच्या 35 टक्के अनुदान देय आहे. याशिवाय इनक्युबेशन सेंटर, स्वयंसहाय्यता गटाच्या सदस्यांना बिजभांडवल, मार्केटींग आणि ब्रॅन्डींग आणि प्रशिक्षण या घटकांकरिता ही लाभ देय आहे.
2021-22 या योजनेअंतर्गत भांडवली गुंतवणूकीकरिता 145 वैयक्तिक उद्योगांना अर्थसहाय्य करण्यात येणार आहे. तसेच स्वयंसहाय्यता गट, शेतकरी उत्पादक कंपन्या व सहकारी संस्थांनाही अर्थसहाय्य देण्यात येणार आहे. दि. ३० डिसेंबर २०२१ पर्यंत 136 लाभार्थ्यांनी सहभाग नोंदवला आहे.
त्यापैकी 29 सविस्तर प्रकल्प आराखडे तयार करण्यात आले आहेत. 21 आराखडे बॅंक कर्ज मंजुरीसाठी विविध बँकेकडे सादर करण्यात आले आहेत. बँकाकडून कर्ज मंजुरीस सुरुवात झाली आहे. आतापर्यंत दोन प्रकल्पांना कर्ज मंजुरी मिळाली आहे.
इच्छुक अर्जदारांचे सूक्ष्म अन्न प्रक्रिया उद्योगाचे सविस्तर प्रकल्प आराखडे तयार करणे आणि त्यास बँक कर्ज मंजुरी मिळवण्यास गती देण्यासाठी कृषी विभागामार्फत दि.३ ते १८ जानेवारी या कालावधीत “अन्नप्रक्रिया उद्योगांना बँक कर्ज मंजुरी पंधरवडा” साजरा करण्यात येत आहे. या अनुषंगाने इच्छुक व्यक्तीं आणि गटांनी (स्वयं सहाय्यत गट,शेतकरी उत्पादक कंपनी सहकारी संस्थांनी प्रकल्प उभारणी अर्थ सहाय्यासाठी www.pmfme.mofpi.gov.inया MIS पोर्टलवर नोंदणी करून अर्ज सादर करण्याचे आवाहन करण्यात येत आहे. सविस्तर प्रकल्प आराखडे करण्यासाठी प्रत्येक जिल्ह्यात 06 जिल्हा संसाधन व्यक्तींची नेमणूक करण्यात आलेली आहे.
सुलक्षणा सोनवणे-9579067521, निखिल राजकुमार शिंदे-9421412067, चंदन बी.भडंगे-9422070087, पुजादेवी सुखदेव मस्के -9970697923 ,आश्विनी राम ढेरे -9146470725,आशमा सोनवणे-9960694179 प्रकल्प आराखडे तयार करण्यासाठीचे सेवाशुल्क शासनामार्फत अदा करण्यात येणार आहे.
अधिक माहितीसीठी तालुका कृषी अधिकारी, जिल्हा अधीक्षक कृषी अधिकारी कार्यालयाशी संपर्क साधावा.
*****
