रस्त्यांचे बांधकाम सूरू असल्याने पर्यायी वाहतूक मार्गास मुदतवाढ
उस्मानाबाद,दि.19(जिमाका):-भूम ते पार्डी या रस्त्याच्या घाटभागामधील काँक्रीट रस्त्याचे काम सुरू असल्यामुळे वाहतुकीस आडथळा निर्माण होण्याची शक्यता आहे.त्यामुळे दि.7 सप्टेंबर 2022 पर्यंत जडवाहतुकीसाठी भूम-वाकवड-कुंथलगिरी-सरमकुंडी फाटा हा मार्ग आणि हलक्या वाहतुकीसाठी हिवरा-नांदगाव-तेरखेडा हा मार्ग वाहतुकीसाठी वळण रस्ता म्हणून वापरण्यात यावा.
येथील बांधकाम विभागाचे कार्यकारी अभियंता यांनी वाहतूक मार्ग लोकांच्या निदर्शनास आणून देण्यासाठी दिशादर्शक फलक, वाहतूक संकेत चिन्हे लोकांना समजेल अशा भाषेत लावण्याची किंवा उभारण्याची कार्यवाही करावी,असे जिल्हाधिकारी तथा दंडाधिकारी कौस्तुभ दिवेगावकर यांनी निर्देशित केले आहे.
