अल्पसंख्यांक उमेदवारांसाठी निवासी पोलीस भरती पूर्व प्रशिक्षणअर्ज करण्याची अंतिम तारीख १५ जुलै

लेडीज क्लबच्या वतीने गौरी गणपती देखावा स्पर्धेचे आयोजन

जिल्ह्यातील महिलांना आपले कलाविष्कार सादर करण्याची सुवर्ण संधी 

आमदार राणाजगजितसिंह पाटील साहेब यांच्या मार्गदर्शनाखाली व जिल्हा परिषदेच्या माजी उपाध्यक्षा तथा लेडीज क्लबच्या अध्यक्षा सौ.अर्चनाताई पाटील यांच्या पुढाकारातून लेडीज क्लब, उस्मानाबाद -धाराशिवच्या वतीने यावर्षीही गौरी गणपती देखावा स्पर्धेचे आयोजन करण्यात आले आहे. विजेत्यांना आकर्षक रोख पारितोषिके देण्यात येणार आहेत. या स्पर्धेतून उस्मानाबाद -धाराशिव जिल्ह्यातील महिलांना आपले कलाविष्कार सादर करण्याची सुवर्ण संधी मिळणार आहे.


यावर्षी १९ सप्टेंबर २०२३ रोजी म्हणजेच मंगळवारी आपल्या लाडक्या बाप्पाचं आगमन झाले आहे. गणपती आगमनानंतर दि.२१ सप्टेंबर रोजी गौरीचे आगमन होईल. जिल्हाभरात गौरी- गणपतीचा उत्सव मोठ्या उत्साहात साजरा केला जातो. गौरी गणपतीसाठी भक्त सूुंदर अशी आरास तयार करतात. घरोघरी या उत्सवाचा जल्लोष असतो. महिलांच्या सुप्त गुणांना वाव देण्यामध्ये लेडीज क्लबचा नेहमीच पुढाकार असतो. याच अनुषंगाने लेडीज क्लब, उस्मानाबाद -धाराशिवच्या वतीने या स्पर्धेचे दरवर्षी प्रमाणे या वर्षीही आयोजन करण्यात आले आहे. या स्पर्धेत विजेत्यांना आकर्षक बक्षिस देण्यात येणार आहेत. या स्पर्धेतील प्रथम पारितोषक रु.१०,००१ असून दुसरे पारितोषिक रु.७००१ तर तिसरे पारितोषिक रु.५००१ ठेवण्यात आले आहे. दि.२२ व २३ सप्टेंबर २०२३ रोजी परीक्षक हे स्वतः येऊन परीक्षण करतील. त्यानंतरच विजेत्यांची नावे जाहीर होतील. संपूर्ण उस्मानाबाद -धाराशिव जिल्ह्यातील महिला या स्पर्धेत सहभाग घेऊ शकतील. तरी जास्तीत जास्त जणांनी या स्पर्धेत भाग घ्यावा असे आवाहन लेडीज क्लबच्या अध्यक्षा तथा जिल्हा परिषदेच्या माजी उपाध्यक्षा सौ.अर्चनाताई पाटील यांनी केले आहे.  


या स्पर्धेत सहभागी होण्यासाठी कृपया खालील नंबर वर संपर्क करावा. पुनगुडे मॅडम - ९४२०२००५४९, अस्मिता कांबळे - ९९७५२२७७७४, उषा येरकळ - ८९९९३८५४८४, संगीता भोरे- ९८५०२६२९१६, सुदेशना जाधवर - ९४०४६२३३५२