शिवछत्रपती राज्य क्रीडा पुरस्कार सन २२-२३ , क्रीडा मार्गदर्शक,खेळाडू,साहसी उपक्रम व दिव्यांग खेळाडूंकडून २२ जानेवारीपर्यंत अर्ज करण्याचे आवाहन

0

शिवछत्रपती राज्य क्रीडा पुरस्कार सन २२-२३ , क्रीडा मार्गदर्शक,खेळाडू,साहसी उपक्रम व दिव्यांग खेळाडूंकडून २२ जानेवारीपर्यंत अर्ज करण्याचे आवाहन 

 

धाराशिव,दि.4(जिमाका) क्रीडा विभागाकडून राज्यातील सर्वोत्कृष्ट क्रीडापटूंना व क्रीडाक्षेत्रात उल्लेखनीय कार्य करणा-या व्यक्तींना क्रीडा विभागाचा प्रतिष्ठेचा शिवछत्रपती राज्य क्रीडा पुरस्कार देण्यात येतो.

                 क्रीडा क्षेत्रातील विशेष उल्लेखनीय कार्य करणा-या ज्येष्ठ क्रीडा महर्षिकरीता जीवन गौरव पुरस्कार,क्रीडा मार्गदर्शकांकरीता उत्कृष्ट क्रीडा मार्गदर्शक,शिवछत्रपती राज्य क्रीडा पुरस्कार (खेळाडू), शिवछत्रपती राज्य क्रीडा पुरस्कार (साहसी उपक्रम),शिवछत्रपती राज्य क्रीडा पुरस्कार (दिव्यांग खेळाडू) व जिजामाता राज्य क्रीडा पुरस्कार (महिला क्रीडा मार्गदर्शक) असे पुरस्कार देण्यात येतात.

              29 डिसेंबर 2023 च्या शासन निर्णयान्वये शिवछत्रपती क्रीडा पुरस्कारासाठी सुधारीत नियमावली  केली आहे.या नियमावलीनुसार सन 2022-23 या वर्षांच्या पुरस्कारासाठी  8 ते 22 जानेवारी 2024 पर्यंत अर्ज मागविण्यात येत आहे.

         पुरस्काराकरीता राज्यातील ज्येष्ठ क्रीडापटू,क्रीडा मार्गदर्शक, खेळाडू,दिव्यांग खेळाडू व साहसी  व्यक्तींकडून अर्ज मागविण्यात येत आहेत.

            तरी जिल्ह्यातील अर्ज सादर करणा-या इच्छुक क्रीडा मार्गदर्शक, खेळाडू,साहसी उपक्रम व दिव्यांग खेळाडू यांनी विहीत मुदतीत क्रीडा विभागाच्या https://sports.maharashtra.gov.in  या संकेतस्थळावरील ताज्या बातम्यामधील उपलब्ध करून दिलेल्या लिंकवर  8 ते 22 जानेवारी, 2024 रोजी रात्री 12.00 वाजेपर्यंत फक्त ऑनलाईन अर्ज सादर करावे. असे आवाहन जिल्हा क्रीडा अधिकारी हरनाळे यांनी केले आहे.

टिप्पणी पोस्ट करा

0 टिप्पण्या
टिप्पणी पोस्ट करा (0)
To Top