शिंगोली आश्रम शाळेत संत तुकडोजी महाराज व महात्मा बसवेश्वर जयंती उत्साहात साजरी

उस्मानाबाद जिल्ह्यातील धार्मिक स्थळे 16 नोव्हेंबर पासून उघडण्याची परवानगी - जिल्हाधिकारी कौस्तुभ दिवेगावकर

( Permission to open religious places in Osmanabad district from November 16 - District Collector Kaustubh Divegavkar )

उस्मानाबाद :- महाराष्ट्र शासनाच्या आदेशानुसार उस्मानाबाद जिल्ह्यात covid-19 च्या अनुषंगाने कोविंड चा प्रादुर्भाव रोखण्यासाठी लाँक डाऊन करण्यात आले होते. व त्यामध्ये धार्मिक स्थळे बंद करण्यात आली होती. 

महाराष्ट्र शासनाने नवीन दिलेल्या नियमावलीनुसार महाराष्ट्रातील धार्मिक स्थळे उघडण्याची मुभा दिली आहे त्यामध्ये covid-19 चा प्रादुर्भाव रोखण्यासाठी उपाय योजना राबविणे बंधनकारक केले आहे त्यानुसार उस्मानाबाद जिल्ह्यातील धार्मिक स्थळे 16 नोव्हेंबर पासून उघडण्यात येत आहेत उस्मानाबाद जिल्हाधिकारी कौस्तुभ दिवेगावकर यांनी आज 15 नोव्हेंबर रोजी आदेशित केले आहे.

आदेश खालील प्रमाणे आहे

उस्मानाबाद:दि.15 (जिमाका):- जिल्ह्यातील कन्टेन्मेंट झोनच्या बाहेरील क्षेत्रातील धार्मिक स्थळे व प्रार्थनास्थळे यांचे ट्रस्ट/बोर्ड/नियामक प्राधिकरण यांनी निश्चित केलेल्या वेळेनुसार ती धार्मिक स्थळे व प्रार्थनास्थळे नागरिकांसाठी खुली करण्यास दि. 16 नोव्हेंबर 2020 पासून परवानगी राहील. याठिकाणी नाकावर व तोंडावर मास्क/स्वच्छ रुमाल बांधणे, सामाजिक अंतराचे पालन करणे, थर्मल स्कॅनिंग, वारंवार हात धुणे (hand wash) अथवा सॅनिटायर्झसचा वापर करणे बंधनकारक राहील. धार्मिक स्थळे / प्रार्थनास्थळे याठिकाणी कोविड-19 चा प्रादुर्भाव रोखण्याचे अनुषंगाने प्रतिबंधात्मक उपाययोजनां (SOP) चे पालन करणे आवश्यक राहील. संबंधित स्थानिक प्राधिकरणास संबंधित व्यवस्थापकांशी विचारविनिमय करुन स्थानिक परिस्थितीचा विचार करता या आदेशातील नमूद मार्गदर्शक सूचना/प्रतिबंधात्मक उपाययोजनांमध्ये नवीन मार्गदर्शक सूचना / प्रतिबंधात्मक उपाययोजनांचा समावेश करता येईल.

याचबरोबर सामाजिक अंतर व कोविड-19 चा प्रादुर्भाव रोखण्यासाठी महाराष्ट्र शासनाने व जिल्हाधिकारी कार्यालयाने वेळावेळी दिलेल्या सर्व प्रतिबंधात्मक उपाययोजनांचे पालन करणे बंधनकारक राहील.सदर आदेशाची अंमलबजावणी दिनांक 16.11.2020 पासून तात्काळ लागू करण्यात येत आहे.असे जिल्हाधिकारी तथा जिल्हा आपत्ती व्यवस्थापन प्राधिकरणचे अध्यक्ष

 कौस्तुभ दिवेगावकर यांनी कळविले आहे.

_______________________________________________ जाहिरात 

_______________________________________________