1000/- रुपयांची लाच मागणी करून 1000/- रुपये लाच रक्कम स्विकारल्याने मुख्याध्यापकास लाचलुचपत प्रतिबंधक विभाग उस्मानाबाद यांनी घेतले ताब्यात
उस्मानाबाद :- लाच लुचपत विभाग उस्मानाबाद यांच्याकडे तक्रारदार यांचे DCPS (परिभाषिक अंशदान निवृत्ती योजना ) NPS(केंद्रीय राष्ट्रीय निवृत्ती योजना ) मध्ये वर्ग करण्यासाठी त्याची मूळ फाईल अधीक्षक, वेतन व भविष्य निर्वाह निधी पथक,उस्मानाबाद यांचेकडे दाखल करण्यासाठी लोकसेवक यांनी तक्रारदार यांच्याकडे 1000/- रुपये लाच रकमेची मागणी करून 1000/- रुपये लाच रक्कम पंचा समक्ष स्वीकारली.
याबाबत पो स्टे बेंबळी, ज़िल्हा उस्मानाबाद येथे गुन्हा नोंदविण्याची प्रक्रिया चालू आहे.
ही कार्यवाही पोलीस अधीक्षक डॉ.श्री.राहुल खाडे , अपर पोलीस अधीक्षक डॉ अनिता जमादार ला. प्र.वि.औरंगाबाद यांचे मार्गदर्शनाखाली
प्रशांत संपते, पोलीस उप अधीक्षक, ला. प्र. वी उस्मानाबाद यांनी केली. याकामी त्यांना पोलीस अंमलदार दिनकर उगलमूगले , अर्जुन मारकड, विष्णू बेळे, सिद्धेश्वर तावसकर, चालक दत्तात्रय करडे यांनी मदत केली.
कोणताही शासकीय अधिकारी/कर्मचारी, महाराष्ट्र शासनाचे मानधन, अनुदान घेणारी व्यक्ती, खाजगी व्यक्ती शासकीय कामासाठी अथवा शासकीय काम करून दिल्याबद्दल लाचेची मागणी करत असेल तर लाचलुचपत प्रतिबंधक विभाग, उस्मानाबाद येथे सम्पर्क करण्याबाबतचे आवाहन प्रशांत संपते, पो.उप अधीक्षक, ला.प्र.वि. उस्मानाबाद ( मो.नं.९५२७९४३१००) यांनी केले आहे.
