तुळजापूर : उस्मानाबाद जिल्ह्यातील दुकानाची वेळा ११ ऐवजी २ पर्यंत वाढवून मिळावी या मागणीसाठी भ्रष्टाचार निर्मूलन समितीचे तुळजापूर तहसीलदार मार्फत जिल्हाधिकार्यांना निवेदन
जिल्हयातील सार्वजनिक दुकानांची वेळा अकरा ऐवजी वाढवुन दोन वाजेपर्यंत करुन व्यापारी , नागरिक कामगारांना दिलासा देण्याची मागणी भष्ट्राचार निमुर्लन समितीच्यावतीने तुळजापूर तहसिलदार मार्फत उस्मानाबाद जिल्हाधिकारी याना गुरुवार दि . २७ मे रोजी निवेदनाद्वारे करण्यात आली आहे . जिल्हाधिकारी यांना दिलेल्या निवेदनात म्हटले आहे की , कोरोना पार्श्वभूमीवर पुकारलेल्या लाँकडाऊनमुळे व्यापारी , कामगार वर्ग अर्थिक संकटात आला असुन त्यामुळे दुकाने उघडण्यात शिथिलता देवुन सकाळी सात ते अकरा ऐवजी यापुढे सात ते दोन वाजेपर्यंत दुकाने उघडे ठेवण्यास परवानगी देण्याची मागणी करण्यात आली . या निवेदनावर भ्रष्टाचार निर्मूलन समीती जिल्हाअध्यक्ष अँड धीरज जाधव व तुळजापूर तालुकाध्यक्ष विजय भोसले यांच्या सह्या आहेत.
बातमी संकलन :- रूपेश डोलारे तुळजापूर
