उस्मानाबाद,दि.21(जिमाका):- जिल्हा निेयोजन समितीच्या जिल्हा वार्षिक योजनेतून येथील जिल्हा पोलिस अधीक्षक कार्यालयास 6 बुलेरो (चार चाकी) आणि 76 दुचाकी पेट्रोलिंग वाहनांचे लोकार्पण राज्याचे मृद व जलसंधारण मंत्री तथा जिल्हयाचे पालकमंत्री शंकरराव गडाख यांच्या हस्ते आज येथील पोलिस मैदानावर पार पडले.त्यावेळी औपचारिक चर्चेवेळी पालकमंत्र्यांनी पोलिसांना वाहनासारखी साधन सामग्री उपलब्ध करून त्यांच्या क्षमता संवर्धनात वाढ केली जात आहे.यातून जिल्हयात शांतता व सुव्यवस्था राखण्यास आणि महिला तसेच संकटात सापडलेल्या नागरिकांना मदत करण्यास या वाहनांचा नक्कीच उपयोग होईल,असा विश्वास ही त्यांनी व्यक्त केला.
श्री.पालकमंत्री गडाख यांच्या हस्ते या वाहनांना हिरवी झेंडी दाखवून या वाहनांचे लोकार्पण करण्यात आले. यावेळी खासदार ओमप्रकाश राजेनिंबाळकर,जि.प.च्या अध्यक्षा अस्मिता कांबळे,आमदार सर्वश्री विक्रम काळे,ज्ञानराज चौगुले,कैलास पाटील,जिल्हाधिकारी कौस्तुभ दिवेगावकर,जि.प.चे मुख्य कार्यकारी डॉ.विजयकुमार फड, पोलीस अधीक्षक राजतिलक रौशन,अपर पोलीस अधीक्षक पालवे आदी उपस्थित होते.
कार्यक्रमाचे प्रास्ताविक पोलीस अधीक्षक रौशन यांनी केले.
******
