सिम्बायोसिसच्या मदतीने जिल्ह्यात ‘सॅटेलाईट स्किल सेंटर’ , आधुनिक शेती व प्रक्रिया उद्योग सह कौशल्यविकासाच्या नव्या वाटा: जिल्ह्याच्या युवकांसाठी महत्त्वपूर्ण बैठक

बनावट सोने तारण ठेउन कर्ज घेणारे 4 आरोपी अटकेत

तुळजापूर पोलीस ठाणे : 6 व्यक्तींनी 8 वेळेस एकुण 564.3 ग्रॅम वजनाचे बनावट सोन्याचे दागिने ऑगस्ट 2021 मध्ये आयसीआयसी बँक शाखा- तुळजापूर येथे तारण ठेउन 17,70,851 ₹ कर्ज घेतले होते. कालांतराने ते सोने बनावट असल्याचे निष्पन्न झाल्याने बँकेचे शाखा  व्यवस्थापक- सुनिल क्षिरसागर यांनी दि. 26 ऑगस्ट रोजी दिलेल्या प्रथम खबरेवरुन तुळजापूर पो.ठा. येथे गु.र.क्र. 290 / 2021 हा भा.दं.सं. कलम- 420, 511, 34 अंतर्गत गुन्हा नोंदवला आहे.

             तपासादरम्यान तुळजापूर पोलीस ठाण्याच्या पोनि- श्री. अजिनाथ काशीद, सपोनि- श्री. ज्ञानेश्वर कांबळे, पोहेकॉ- सोनवणे, पोना- यादव, पोकॉ- सावरे, साळुंके, ससाणे, पवार यांच्या पथकाने 1)रशीद अल्लाउद्दीन नदाफ, रा. आरबळी, ता. तुळजापूर 2) सद्दाम नसीर शेख, रा.मोहोळ, जि. सोलापूर 3) कोंडाजी हारुण खुदादे 4) अब्बास राजु पठाण, दोघे रा. इटकळ या चौघांना दि. 7- 11 सप्टेंबर दरम्यान वेगवेगळ्या ठिकाणांहुन अटक केले. तसेच कर्जाच्या रकमे पैकी 1,35,100 ₹ नमूद लोकांकडून जप्त करण्यात आली असून अन्य आरोपींचा पोलीस शोध घेत असून 3,21,516 ₹ रकमेचा आरोपींनी यापुर्वीच कर्ज भरणा केला आहे.

            तुळजापूर पोलीसांच्या या कामगीरीबद्दल मा. पोलीस अधीक्षक श्री. राज तिलक रौशन यांनी पथकाचे अभिनंदन केले आहे.