उस्मानाबाद जिल्हा दक्षता व नियंत्रण समितीत विविध प्रकरणांचा घेतला आढावा
Osmanabad news :-
उस्मानाबाद,दि19(जिमाका):- जिल्हा दक्षता व नियंत्रण समितीची बैठक निवासी उपजिल्हा अधिकारी शिवकुमार स्वामी यांच्या अध्यक्षतेखाली घेण्यात आली. या बैठकीत अनुसूचित जाती, जमाती अत्याचार प्रतिबंधक अधिनियम 1995 अन्वये मार्च आणि एप्रिल 2022 महिन्यात घडलेल्या गुन्ह्यांचा आढावा घेण्यात आला.
मार्च महिन्यात जिल्ह्यात 7 प्रकरणे घडली. यात दोन जातीवाचक शिवीगाळ, 4 विनयभंग आणि एक बलात्कार तसेच एप्रिल महिन्यात एक जातीवाचक शिवीगाळ, एक विनयभंग आणि एक इतर अशाप्रकारे गत दोन महिन्यात एकूण 10 प्रकरणांचा समावेश असल्याची माहिती समाज कल्याण विभागाचे सहायक आयुकत बाबासाहेब अरवत यांनी दिली.
2019 ते मार्च एप्रिल 2022 अखेर घडलेल्या गुन्ह्यांपैकी तपासवार प्रलंबित असलेल्या 20 प्रकरणे आहेत. तसेच 2021-22 मध्ये घडलेल्या गुन्हांपैकी दोषारोप पत्र अप्राप्त असल्यामुळे अर्थसहाय्यासाठी 5 प्रकरणे प्रलंबित आहेत. त्यातील 4 प्रकरणे जातीवाचक शिवीगाळ आणि एक बलात्काराचा प्रकरण आहे.2019 ते 2022 पर्यंत घडलेल्या गुन्हांपैकी पोलीसस्तरावर फेब्रूवारी 2022 अखेरपर्यंत 15 प्रकरणे निकाली काढण्यात आल्याचे श्री.अरवत म्हणाले.यावेळी 2018 ते 2022 मध्ये घडलेल्या गुन्ह्यांपैकी दोषारोपपत्र झालेल्या प्रकरणात आणि मार्च 2022 अखेर घडलेल्या प्रकरणातील 24 अत्याचार पिडीतांना 29 लाख 55हजार रुपये मंजूर असलेला अर्थसहाय्य जिल्हाधिकारी यांच्याकडे मान्यतेसाठी सादर करण्यात येणार असेही श्री.अरवत म्हणाले.
अनुसूचित जाती, जमाती विरुध्द गुन्ह्यांमध्ये वाढ होणार नाही यादृष्टीने पोलीस विभागाने तत्काळ कार्यवाही करावी, अशा सूचना श्री.स्वामी यांनी यावेळी पोलीस विभागास दिल्या.
*****
