जुगार विरोधी कारवाई दरम्यान उस्मानाबाद येथे स्थानिक गुन्हे शाखेची कारवाई
Osmanabad स्थानिक गुन्हे शाखा : स्थानिक गुन्हे शाखेच्या पोनि- श्री. रामेश्वर खनाळ यांना दि. 13.09.2022 रोजी 17.00 वा. सु. गोपनीय खबर मिळाली की, उस्मानाबाद शहरातील भानुनगर येथे मुकेश तुकाराम हाजगुडे यांच्या पत्रा शेडमध्ये काही ईसम जुगार खेळत आहेत. यावर स्थानिक गुन्हे शाखेच्या पथकाने 17.25 वा. सु. नमूद ठिकाणी छापा टाकला असता तेथे 1.गणेश शिवाजी सातपुते 2.दिनेश बळीराम गिराम 3.संजय नारायण रायबान 4.राहुल अर्जुन रायबान 5.अकबर रहीमतुल्ला शेख 6.मुकेश तुकाराम हाजगुडे 7.पंकज संभाजीराव भोसले, सर्व रा. उस्मानाबाद हे सर्व लोक तिरट नावाचा जुगार खेळत असताना आढळले. त्यांच्याकडे जुगाराबाबत विचारणा केली असता सदर पत्रा शेडचे मालक मुकेश हाजगुडे हे असून तेच सदर जुगाराचा अड्डा चालवित असल्याचे समजले. त्यांच्याकडून जुगार साहित्यासह 04 दुचाकी वाहने, 06 मोबाईल फोन व रोख रक्कम असा एकुण 2,64,590 ₹ चा मुद्देमाल पोलीसांनी जप्त करुन त्यांच्याविरुध्द महाराष्ट्र जुगार प्रतिबंधक कायदा कलम- 4,5 अंतर्गत आनंदनगर पोलीस ठाण्यात गुन्हा नोंदवला आहे.
सदरची कामगिरी मा.पोलीस अधीक्षक श्री. अतुल कुलकर्णी, मा.अपर पोलीस अधीक्षक श्री.नवनीत काँवत यांच्या मार्गदर्शनाखाली स्थानिक गुन्हे शाखेचे प्रभारी पोनि- श्री. रामेश्वर खनाळ, पोहेकॉ- जानराव, निंबाळकर, काझी, अरब, घुगे, पोना- कवडे, जाधवर, काकडे, पोकॉ- कोळी, आशमोड यांच्या पथकाने केली आहे.
