मराठवाडी मुक्तीसंग्राम दिनानिमित्त स्वातंत्र्यवीरांचा सन्मान सोहळा
Osmanabad :
मराठवाडा मुक्तीसंग्राम दिनाच्या अमृत महोत्सवी वर्षाचे औचित्य साधुन ऐतिहासिक नळदुर्ग किल्ल्यात निसर्गरम्य वातावरणात स्वातंत्र्यवीर व त्यांच्या वारसांचा सन्मान सोहळा आ.राणाजगजितसिंह पाटील यांच्या हस्ते संपन्न झाला.
यामध्ये स्वातंत्र्य सैनिक रामभाऊ रघुनाथ जाधव यांचे पुत्र अण्णासाहेब जाधव, स्वातंत्र्य सैनिक बुबासाहेब जाधव, स्वातंत्र्य सैनिक लालासाहेब वाघमारे यांचे पुतणे दगडूशंकर वाघमारे, स्वातंत्र्य सैनिक गणपतराव देशमुख यांचे पुत्र जयसिंगराव देशमुख, स्वातंत्र्य सैनिक मनोहरराव टापरे यांचे सुपुत्र प्रवीण टापरे, स्वातंत्र्य सैनिक नरसिंगराव देशमुख यांचे पुत्र ॲड.अविनाश देशमुख, स्वातंत्र्य सैनिक विठ्ठलराव पाटील यांचे पुत्र पांडुरंग पाटील, शरणाप्पा वाले यांचे नातु शिवशंकर वाले, हुतात्मा मुरलीधरराव देशमुख यांचे पुतणे प्रविण देशमुख, स्वातंत्र्य सैनिक विठ्ठलराव डांगे यांचे पुत्र प्रमोद डांगे, स्वातंत्र्य सैनिक राजेंद्र देशमुख यांचे पुत्र उमाजी देशमुख, हुतात्मा निल्लप्पा स्वामी यांचे पुत्र बाबुराव स्वामी गुरुजी अशा १२ जणांचा सन्मानचिन्ह व सन्मानपत्र देऊन यथोचित गौरव करण्यात आला.
आ.राणाजगजितसिंह पाटील यांनी सन्मान सोहळयासाठी उपस्थित सर्व स्वातंत्र्य सैनिकांच्या कार्या विषयी कृतज्ञता व्यक्त केली. या लढयात अनेकांनी आपल्या प्राणांची बाजी लावली व अनेकांना हुतात्म्य आले. या स्वातंत्र्यविरांच्या कामांचा गौरव करताना मराठवाडा मुक्तीसंग्रामचे ७५ वे वर्ष असल्याने या लढयावर प्रेरणादायी कार्यक्रमाचे वर्षभर आयोजन करावे, प्रत्येक शाळा व कॉलेजमध्ये स्वातंत्र्यवीरांच्या व्याख्यानमाला आयोजित झाल्या पाहिजेत अशी अपेक्षा व्यक्त केली.
इतिहासतज्ञ डॉ. सतिशजी कदम यांनी या सन्मान सोहळया मागची भुमिका, मराठवाडा मुक्तीसंग्रामाची ऐतेहासिक माहिती, हुतात्मे व स्वातंत्र्य सैनिकांच्या उल्लेखनीय कार्याची अभ्यासपूर्ण माहिती आपल्या प्रास्ताविकातून दिली.
यावेळी स्वातंत्र्यसेनानी बुबासाहेब जाधव यांनी या सन्मान सोहळयाबद्दल समाधान व्यक्त करुन अशा कार्यक्रमाची समाजाला गरज आहे असे मनोगत व्यक्त केले.
सदरील सन्मान सोहळयासाठी संतोषदादा बोबडे, विक्रमजी देशमुख, ॲड.दिपक आलुरे, नय्यर जागीरदार, नेताजी पाटील, भिवा इंगोले, सुशांत भुमकर, आनंद कंदले, धनंजय रणदिवे, मनोगत (पिंचु) शिनगारे, तुळजापुर तालुक्यातील सर्व प्रमुख पदाधिकाऱ्यांची उपस्थिती होते.
कार्यक्रमाचे सुत्रसंचालन ॲड. नितीन भोसले यांनी केले. आभार प्रदर्शन श्री नेताजी पाटील यांनी केले.
