उस्मानाबाद -धाराशिव: मराठा समाजाला शिक्षण व नोकरीत आरक्षण द्यावे, या मागणीसह मराठा आरक्षण योध्दा मनोज जरांगे यांच्या आंदोलनास पाठिंबा देण्यासाठी जिल्हा मराठी पत्रकार संघाच्या वतीने जिल्हाधिकारी कार्यालयासमोर सोमवारी (दि.३०) लाक्षणिक उपोषण आंदोलन करण्यात आले. यावेळी जिल्हाधिकारी डॉ. सचिन ओम्बासे यांच्यामार्फत राज्यपाल रमेश बैस व मुख्यमंत्री एकनाथ शिंदे यांना मागणीचे निवेदन देण्यात आले.
याबाबत दिलेल्या निवेदनात म्हटले की, मराठा समाजाला आरक्षण मिळावे या मागणीसाठी राज्यभर आंदोलन सुरू आहे. मराठा समाजाच्या अनेक वर्षापासूनच्या या अत्यंत महत्त्वपूर्ण मागणीला न्याय देणे गरजेचे आहे. मराठा समाज, शेतकरी व जगाचा अन्नदाता आहे. लोकशाहीचा चौथा प्रमुख स्तंभ असलेला पत्रकार मराठा आरक्षणाच्या न्याय मागणीसाठी लेखणीच्या माध्यमातून सोबत आहे. शासनाने मराठा समाजाला तातडीने आरक्षण लागू करावे अन्यथा शासकीय कार्यक्रम व बातम्यांवर बहिष्कार घालून तीव्र आंदोलन करण्यात येईल असा इशारा देण्यात आला आहे. या आंदोलनास ब्राम्हण कल्याण ट्रस्ट धाराशिव, शासनमान्य मुद्रांक विक्रेते, अर्ज व दस्त लेखक संघटना, अखिल महाराष्ट्र वडार समाज संघटना, अखिल भारतीय छावा संघटना, जिल्हा विधिज्ञ मंडळ, ग्रामपंचायत कार्यालय बावी (का), राष्ट्रीय समाज पक्ष, सोनेगाव ग्रामपंचायत, एकता ॲटोरिक्षा चालक -मालक संघटना व उपळा (मा.) ग्रामपंचायतसह विविध संघटनांचे पदाधिकारी, सामाजिक कार्यकर्ते व नागरिकांनी आंदोलनस्थळी भेट देऊन पाठिंबा दिला. पत्रकार संघाचे अध्यक्ष धनंजय रणदिवे, सरचिटणीस संतोष जाधव, सहसचिव राजाभाऊ वैद्य, उपाध्यक्ष श्रीकांत कदम, तालुकाध्यक्ष विलास मुळीक, इकबाल मुल्ला, तालुका उपाध्यक्ष सुरेश कदम, पत्रकार चंद्रसेन देशमुख, धनंजय पाटील, कमलाकर कुलकर्णी, सुधीर पवार, मच्छद्रिं कदम, उमाजी गायकवाड, संतोष शेटे,प्रविण पवार, मल्लीकार्जुन सोनवणे, अजित माळी, प्रशांत गुंडाळे, गणेश माळी, प्रशांत मते, श्रीकृष्ण कुंभार, रणजीत मोरे, शाहरुख सय्यद, शीला उंबरे-पेंढारकर, अन्सार सय्यद, दिलीप पाठक- नारीकर, सयाजी शेळके, बालाजी साळुंके, कालिदास म्हेत्रे,धोंडीराम करंजकर, दिपक सावंत, धोंडीराम सोनके, संतोष मोरे, रामेश्वर डोंगरे, कलीम सय्यद, शंकर भोरे, सुधीर सुपनार, भीमाशंकर वाघमारे, बालाजी निरफळ, सुभाष कुलकर्णी, हरी खोटे, बापूराव नाईकवाडी, प्रा.सतीश मातने, श्रीराम क्षीरसागर, उपेंद्र कटके, बालाजी लोखंडे, हुंकार बनसोडे, अल्ताफ शेख, विनोद बाकले, निजाम शेख, श्रीकांत मटकीवाला, आप्पासाहेब शिरसाठ, शीतल वाघमारे, पार्श्वनाथ बाळापुरे, पांडुरंग हजारे, दयानंद मुळे, रणजीत पिंगळे, भैरवनाथ कानडे, अमजद सय्यद, दीपक जाधव, पांडुरंग मते, सुशिलकुमार पाटील, आकाश नरोटे, रहिम शेख, शहबाज शेख, आसिफ सय्यद, राजू कसबे, प्रा. अभिमान हंगरगेकर, रविराज मंजुळे आदी या आंदोलनात सहभागी झाले होते.
