मुहम्मद पैगंबर यांचा अवमान केल्याप्रकरणी नरसिंहानंद सरस्वतीवर गुन्हा दाखल करा
टिपू सुलतान ब्रिगेडची कळंब पोलिसात निवेदन देऊन मागणी
कळंब : प्रेषित मुहम्मद स. अ. स यांच्याबद्दल अपशब्द काढल्याबद्दल नरसिंहानंद सरस्वती याच्यावर गुन्हा दाखल करा, अशी मागणी कळंब पोलिसात टिपू सुलतान ब्रिगेडच्यावतीने करण्यात आली.
2 एप्रिल रोजी आयोजित केलेल्या एका पत्रकार परिषदेत दीपक त्यागी उर्फ नरसिंहानंद सरस्वती नावाच्या एका साधू वेषातील गुंड प्रवृत्तीच्या व्यक्तीने जगाला प्रेम, मानवता आणि शांतीचा संदेश देणारे महामानव इस्लामचे शेवटचे प्रेषित मुहम्मद स. अ. स. यांच्याबद्दल अपशब्द वापरून त्यांचा घोर अपमान केला आहे. तसा व्हिडीओ देखील सोशल मीडिया वर वायरल होत आहे. प्रेषित मुहम्मद स. अ. स. यांच्या प्रती जगातील सर्व जाती आणि धर्मातील लोकांमध्ये अत्यंत आदराचे स्थान आहे. त्यामुळे नरसिंहानंद सरस्वती बद्दल लोकांमध्ये, विशेषतः मुस्लीम समुदायामध्ये प्रचंड रोष आहे. नरसिंहानंद सरस्वतीने जाणीवपूर्वक मुस्लीम धर्मीयांच्या भावना दुखविण्याचा आणि समाजात दुही व तेढ निर्माण करून देशातील शांतता भंग करण्याचा प्रयत्न केला आहे. तरी नरसिंहानंद सरस्वतीवर संबंधित कलमाखाली गुन्हा दाखल करून अटक करण्यात यावी अशी तक्रार टिपू सुलतान ब्रिगेडचे प्रदेश अध्यक्ष डॉ. जहीरुद्दिन पठाण यांच्या सूचनेवरून टिपू सुलतान ब्रिगेड उस्मानाबादच्या वतीने कळंब पोलीस ठाण्यात देण्यात आली. यावेळी जिल्हाध्यक्ष अकीब पटेल, इम्रान मुल्ला,खदीम सय्यद, लियाकत बागवान,आवेज मोमीन,मुजम्मील पटेल,इस्माईल मोमीन,रहीम पठाण,नसीर मोमीन,सरफराज सय्यद,कामरान शेख,राजू सय्यद,लतीफ कुरेशी, सलीम खान, शाहरूख पठाण इ. कार्यकर्ते उपस्थित होते.
