कळंब तालुका भाजपाचे माजी अध्यक्ष प्रा. दिलीप पाटील यांनी खासदार मा.ओमप्रकाश राजेनिंबाळकर,आ कैलास पाटील यांच्या उपस्थितीत शिवसेना पक्षात प्रवेश केला. यावेळी त्यांचे पक्षात स्वागत करून सामाजिक आणि राजकीय कार्यासाठी आमदार कैलास पाटील यांनी
शुभेच्छा दिल्या.
सत्ता आहे म्हणून शिवसेना पक्षात प्रवेश होत नाही आहेत तर सत्तेत राहून लोकांची कामे चांगल्या पद्धतीने करत असल्यामुळेच विविध पक्षातील पदाधिकारी, कार्यकर्ते, युवक शिवसेना पक्षात प्रवेश करत आहेत. अनेक पदाधिकारी व तरुण सहकाऱ्यांच्या पक्ष प्रवेशाने कळंब तालुक्यात पक्ष संघटना नक्कीच अधिक बळकट होत शिवसेना पक्षाची ताकत वाढत आहे, प्रा दिलीप पाटील यांना राजकीय वाटचालीसाठी खासदार ओमराजे ,आ कैलास पाटील यांनी शुभेच्छा दिल्या.
याप्रसंगी महिला आघाडी जिल्हाप्रमुख शामल ताई वडणे, जिल्हा परिषदेचे सभापती दत्ता अण्णा साळुंके, धाराशिवचे माजी नगराध्यक्ष मकरंद उर्फ नंदूभैय्या राजेनिंबाळकर, तालुकाप्रमुख शिवाजी आप्पा कापसे, उपतालुका प्रमुख भारत सांगळे, माजी शहरप्रमुख प्रविण कोकाटे, नगरपालिका गटनेते सोमनाथ गुरव,मा उपजिल्हा प्रमुख शाम पवार, उपतालुका प्रमुख सुनील जाधव,श्रीकांत देशमुख,कुणाल धोत्रिकर, महेश लिमये, बापूराव रणदिवे, रियाज शेख, भैरवनाथ माने, पांडुरंग माने, चेतन बंडगर,अश्रूबा वाघमारे आदी शिवसैनिक उपस्थित होते.
