येरमाळा (ता. कळंब, जि. धाराशिव) : प्रसिद्ध कीर्तनकार एकनाथ लोमटे महाराज यांच्यावर २८ जुलै २०२२ रोजी येरमाळा पोलिस ठाण्यात गुन्हा दाखल झाला.
मिळालेल्या माहितीनुसार, परळी तालुक्यातील एका महिलेने दिलेल्या तक्रारीवरून लोमटे महाराजांविरोधात भारतीय दंड विधानातील कलम 354, 354(अ), 341, 323, 504 व 506 नुसार गुन्हा नोंदविण्यात आला आहे.
तक्रारीनुसार, धार्मिक कार्यक्रमाच्या दरम्यान महिलेसोबत गैरवर्तन झाल्याचा आरोप करण्यात आला होता. या प्रकरणी महिलेनं आरडाओरडा केल्यानंतर गर्दी जमली व त्यातून महाराजांनी पळ काढल्याचे सांगण्यात येते. त्यानंतर पोलिसांनी गुन्हा नोंदवून पुढील तपास सुरू केला.
या घटनेमुळे जिल्ह्यात मोठी खळबळ उडाली होती. तसेच, याआधीही लोमटे महाराजांविरोधात विविध फसवणुकीच्या तक्रारी दाखल झाल्याचे सूत्रांनी सांगितले.
