उमरगा पोलीस ठाण्यात हद्दीत गावठी दारु निर्मीती अड्ड्यावर छापा
उमरगा पोलीस ठाणे : मा. पोलीस अधीक्षक श्री. अतुल कुलकर्णी यांच्या आदेशावरुन उमरगा पोलीस ठाण्याचे पथक पो.ठा. हद्दीतील अवैध मद्य विरोधी कारवाई साठी आज दि. 27 जुलै रोजी पहाटे पासून गस्तीस होते. दरम्यान गोपनीय माहितीच्या आधारे पथकाने 07.20 वा. सु. उमरगा तालुक्यातील पळसगाव साठवण तलाव परिसरात गावठी दारु निर्मीतीच्या अड्ड्यावर छापा टाकला. यावेळी तेथे पळसगाव तांडा ग्रामस्थ- 1)मनोज सिताराम पवार 2)मधुकर थावरु राठोड 3)संजय उमाजी राठोड 4)निळकंठ पुना राठोड हे गावठी दारु निर्मीती करताना आढळले. घटनास्थळी गावठी दारु निर्मीतीचा गुळ- पाणी मिश्रणाचा एकुण 2,000 लिटर आंबवलेला द्रव हा 14 लोखंडी पिंपांत तसेच 10 प्लास्टीकच्या घागरीत 140 लिटर गावठी दारु असा एकुण अंदाजे 1,13,100 ₹ किंमतीचा माल आढळला. गावठी दारु निर्मीतीचा द्रव पदार्थ हा नाशवंत असल्याने पथकाने तो जागीच ओतून नष्ट केला तर गावठी दारु जप्त करुन नमूद व्यक्तींविरुध्द उमरगा पो.ठा. येथे गुन्हा क्र. 397/2022 हा महाराष्ट्र मद्य मनाई कायदा कलम- 64 (फ) (ई), 81, 83 अंतर्गत नोंदवला आहे.
सदरची कामगीरी मा. पोलीस अधीक्षक श्री. अतुल कुलकर्णी व अपर पोलीस अधीक्षक श्री. नवनीत काँवत यांच्या मार्गदर्शनाखाली उमरगा पो.ठा. चे पोनि- श्री. मनोज राठोड, पोहेकॉ- वाल्मीक कोळी, दिगंबर सुर्यवंशी, सुनिता राठोड, घोळसगाव, पोना- विजयकुमार कांबळे, सिध्देश्वर उंबरे, बबिता चव्हाण, वाघुलकर, पाटोळे, पोकॉ- तानाजी शिंदे, सय्यद यांच्या पथकाने केली आहे.
