शिवसेना ठाकरे गटाला धक्का ! वाकरवाडीच्या सरपंच उज्वला ढवारे यांचा भाजपात प्रवेश !
उस्मानाबाद तालुक्यातील वाकरवाडी येथील शिवसेनेच्या (ठाकरे) गटाच्या सरपंच सौ. उज्वलाताई बंडू ढवारे यांनी भाजप नेते आमदार राणाजगजितसिंह पाटील यांच्या खंबीर नेतृत्वावर विश्वास व्यक्त करत भारतीय जनता पार्टीत जाहीर प्रवेश केला आहे. सरपंच पती श्री. बंडू विठ्ठल ढवारे यांनीही भाजपात जाहीर प्रवेश केला आहे. सदरील प्रवेशासाठी भाजपा तालुका उपाध्यक्ष श्री. प्रमोद देशमुख यांनी पुढाकार घेतला. वाकरवाडीचे भाजप नेते लालासाहेब शिंदे, उपसरपंच गणेश रामभाऊ पवार, ग्रा. प. सदस्य विजयकुमार शिंदे, महादेव शिंदे, विकास पवार, ज्ञानेश्वर शिंदे, अमर शिंदे, अण्णा ढवारे आदी उपस्थित होते. ढोकी जि. प.गटात वाकरवाडी हे गाव सेना खासदार व आमदार यांचं गड समजला जात होता. भाजपने या गडातच सुरुंग लावत सेनेच्या ठाकरे गटाला मोठा धक्का दिला आहे.
आमदार राणाजगजितसिंह पाटील यांनी सरपंच सौ. उज्वलाताई ढवारे यांचे भाजपात स्वागत करून शुभेच्छा दिल्या. तसेच गावाच्या विकासासाठी प्रयत्नशील राहणार असल्याचे आश्वासन दिले. खरीप २०२० चा प्रलंबित पिकविम्याचा यशस्वी लढा देऊन सर्वोच्च न्यायालयातुन शेतकऱ्यांचा हिताचा 'सर्वोच्च' निकाल आणल्याबद्दल ढोकी जि. प.गटातील प्रमुख पदाधिकारी व कार्यकर्त्यांनी लोकनेते आमदार राणाजगजितसिंह पाटील साहेब यांचा सत्कार केला.
यावेळी भाजपा जिल्हाध्यक्ष नितीन काळे, तालुका खरेदी विक्री संघाचे चेअरमन अनंतराव देशमुख, झुंबर बोडके, जेष्ठ नेते गोविंदभाऊ तिवारी, जेष्ठ नेते सतिश देशमुख, तालुका उपाध्यक्ष प्रमोद देशमुख, बारीसाहेब काझी, एजाज काझी, विलास रसाळ, किशोर परीट, प्रभाकर गाढवे, काका पाटील, संजय घनघावे, विश्वजित लंगडे, शाहजी कांबळे, जावेद सय्यद, पवन वाघमोडे, शिव सुरवसे, भाऊसाहेब गरड, इनायत काझी यांच्यासह कार्यकर्ते उपस्थित होते.
